Ўзбекистон Республикаси Вазирлар Маҳкамасининг 2018 йил 17 октябрдаги “Ўзбекистон Республикасининг Инновацион ривожланиш вазирлиги ҳузурида Ёшлар инновация марказини ташкил этиш тўғрисида”ги № 832-сонли Қарори асосида ташкил этилди.

Вазифалари:

• Фарғона водийси олий таълим ва илмий-тадқиқот муассасаларининг талабалари, ёш олимлари ва ўқитувчиларининг интеллектуал ва ижодий салоҳиятини намоён этиш учун шарт-шароитлар яратиш;
• Олий таълим ва илмий муассасалар, тадбиркорлик субъектлари ва ишлаб чиқариш корхоналари ўртасида ўзаро манфаатли ҳамкорлик муносабатлари ривожланишини мувофиқлаштириш;
• Илмий-тадқиқот ишлари натижаларини ишлаб чиқаришга жорий қилиш, уларнинг натижаларини тижоратлаштириш ва иқтисодиёт соҳалари ҳамда корхоналарнинг илмий-техник муаммоларини ҳал этишга йўналтириш;
• Марказ тузилмасидаги коворкинг-марказида ёшлар, олимлар ва тадбиркорларга маслаҳат, молиявий, бухгалтерия хизматлари, бизнес-акселератор хизматлари кўрсатиш;
• Халқаро ва маҳаллий даражада эътироф этилган компаниялар, ташкилотлар, олимлар ва мутахассислар иштирокида маҳорат дарслари, тренинглар ва малака ошириш курслари, долзарб илмий-инновацион йўналишлар бўйича илмий-амалий конференциялар ва семинарлар, танловлар ўтказиш.

Марказнинг йўналишлари:

• ОТМлараро илмий-тадқиқот лабораторияси
• Архитектура ва лойиҳалаш бюроси
• Ахборот технологиялари маркази
• Коворкинг-маркази
• Инновацион ғоялар ва лойиҳаларни ишлаб чиқаришга татбиқ қилиш жамғармаси